#الحمل ♈
مهنياً:خلص شغلك بدون تأجيل او تأخير حتى ماتتعرض لنقد ولوم حتى بتشغلك قصة بالعيلة او وضع حدا موضوع بحاجة لنقاش وتسويات وانت مضغوط وشركات بعدا عم تشغلك .. مال ومصاريف على البيت او على العيلة وحكي بأمور مالية ويومك في قصص بحاجة للحسم وبلاخص اذا في مستجدات طارئة وبشكل مفاجئ ..

عاطفياً:شراكات عاطفية ولبعض مهدد بنهاية علاقة حاول تفتح صفحة جديدة وغض نظر عن بعض الأخطاء المرتكبة ..المرتبط في قلق بيومك ومانك مرتاح وبتحس انو في مجاملة وهاشي كتير بيزعجك حاول تضبط اعصابك ولا تتسرع حتى ماتوتر الوضع او تاخد قرار مو وقتو ..لاعزب فترة منيحة لتبلش ارتباط جديد وعلاقات عم تتطور ..

صحياً:كون هادئ وبعد عن العصبية وخليك مع ناس بتعطيك طاقة ايجابية وبتحب قعدتها ..

#الثور ♉
مهنياً:شغل كتير وماعم تلحق والتزامات كل مانها عم تكبر .. يومك بحاجة لترتيب وتنظيم وتعيد حساباتك من جديد وشغل برا وجوا البيت وزيارات كتيرة ومو بوقتا وممكن تتلقى عرض او شغل جديد حاول تدرس الموضوع ولا تتسرع بشي ..الفلكي علي في ناس ناطرتك على دقرة حاول لا تغلط او تنفعل وخلص ضروري واهتم بصحتك وغير من نفسيتك بمكان ترفيهي وشراكات عم تبلش هاليومين ..

عاطفياً:خفف شكوك وعصبية وكون حذر بكلامك وردة فعلك لانك من اي موقف عم تعمل مشكلة وانت كتير بحاجة لسند وللاهتمام .. تدريجي الامور افضل تغيرات وحلول ومصالحات وممكن تبدا شي جديد عاطفياً واتصالات وتواصل مع حدا عم يعطيك الاهتمام والقلب بدق من جديد وبلاخص يومي الثلاثاء و الاربعاء ..



صحياً:أنتبه لزيادة الوزن ومارس بعض النشاطات الفكرية والترفيهية وحاول تحسن من طاقة جسمك ..



#الجوزاء ♊
مهنياً:عندك طاقة وكريزما حلوة وعم تقنع برأيك ممكن نسمع خبر حلو او عرض ممكن يتقدملك عم تكون دبلوماسي وناس جديدة وعم تهتم للاطفال خلص شغلك المهم اليوم ولا تأجل شي ولا ترد على ناس والحكي او الي عم يحاول يعرقل جهودك وخليك واثق بحالك وانتبه من امور مالية ومصاريف ويمكن عندك عزيمة وداري وضعك صحي او صحة حدا بعيلتك هاليومين ..

عاطفياً:عم تكون مندفع وعم تصارح ومشاعرك عم تزيد ويومك حلو حاول تستغلوا لتعيش اوقات حلوة .. واذا علاقتك متوترة حاول تكون دبلوماسي بحل المشاكل واذا الشريك بيستاهل فيك تعطي فرصة لان بتوقع في تحسن منيح قادم .. بدك تستوعب الشريك وتحسم امورك بعلاقات أخرى ويمكن علاقة سرية عم تتطور ..

صحياً: لبعض عم يعاني من مشاكل الوزن لهيك خفف اكل ع الملل وانتبه من كريب ..

#السرطان ♋
مهنياً:قصص بالعيلة بتشغلك وفي زيارات وناس مقربة وعم تلاقي حالك عم تتحمل اعباء وضغوط ومسؤوليات والبعض مشغول بقصص عقارية وعائلية .. المال عندك في ركود ومصاريف ع البيت وعلى عقارات وتجهيز وتصليحات حاول تبعد عن المواجهات ضمن البيت بسبب موضوع عائلي سبب توتر .. بدي منك تروق وتهدي للمسا وفي مواضيع جديدة رح تنفتح وبلاخص عاطفياً ..

عاطفياً:المتزوج بحاجة لراحة ولاستقرار واوقات بتتمنى تبتعد عن الكل وماتشوف حدا وعم تتردد بقرارك وبلاخص البعض عم يكون في مفاجئة او طلب من حدا مقرب او شخص غالي عليك وهاشي عم يخليك محتار .. اوقات فيها عاطفة وحب وبلاخص المرتبط جديد وامور عائلية عم تتحضر بوضعك .. روق هاليوم ولا تعمل مشاكل وتدريجي الامور بتتحسن من المسا ..

صحياً:لا كتير تحمل القصص مافي شي مستاهل عم تحمل هموم ومشاكل اكبر منك وبالاخص بالبيت لازم تنتبه على صحتك كمان وتمارس رياضة لتحصل على طاقة الايجابية..

#الأسد ♌
مهنياً:امورك نوعاً ما افضل في نقاشات كتيرة ولازم تستغل هاليوم لتنجز اعمالك وتخلص ضروري وعزيمة ومشوار .. قصص عقارية بيومك وتنقلات او سفرة قصيرة للبعض او مشوار واماكن جديدة حتى ممكن تدخل مجال جديد او تتعلم شي وقصة موبايل او سيارة وقصة بالبيت بتشغل البعض بلاخص في شوية التزامات وناس كتار ولازم تفكر منيح بوضعك العاطفي والعائلي المسا ..



عاطفياً:مو عاجبك هالوضع وعم تتوتر وشكلو في سوء تفاهم ومحتاج تبرر نوقفك لينحل بدك تكون دبلوماسي وخفف عصبية ومزاجية .. بحاجة علاقتك لشفافية وثقة وتستعيد نشاطك العاطفي وتبادر الشريك بمشاعرك .. فرصة ليكون في تفاهم واتصالات وسهرة حتى الغيرة عم تكون حاضرة خففا شوي وخلي الجو هادي بلا مشاكل وفي قصة شخص جديد عم تتطور الامور معو ولا دخل الامور العائلية بالعاطفة .

صحياً: صداع بسبب العصبية او بسبب وضع عائلي والبعض عندو شفاء من مرض ان شاء الله .

#العذراء ♍
مهنياً:مصاريف مالية ومضغوط بقصص كتيرة وافكار عم تاخدك وتجيبك ويومك بكون مالي اغلبه دفع ونقاشات بأمور العيلة ضب ايدك على مصاريفك بلاخص بالبيت فرصة قدامك لتحقق ارباح وتقدم مهني قريب .. الفلكي علي لقاء او اتصالات مهمة واصدقاء وعلاقات وزيارات وبتجهز لاختبارات وتنقلات وفي حركة بيع وشراء وقصص عقارية او ممكن تطلع وتغير جو ..

عاطفياً:أنتبه على افعالك وكلامك بلاخص الغيرة اليوم زايدة .. حاول تخلي علاقتك مستقرة مو ناقصك مشاكل عم تتعب من علاقتك وعم تحس بملل وروتين وبدك تتنازل وتنتبه من ناس الحواليك الي عم يسببو توتر الك .. الاجواء بتتحسن تدريجي حلول ولقاءات واتصالات طويلة وتواصل بيكبر حتى ممكن في عزيمة او سهرة مع الشريك وعلاقات اخرى عم تتطور بشكل اكبر واسرع والمشاعر اليوم المسا بتكون غير شكل ..

صحياً:صداع ودوخة وارتخاء بالجسم وكتير بتكون بحاجة لنوم والبعض ممكن يزور طبيب ..

#الميزان ♎
مهنياً:الحظ بكون معك وبحالفك وبكون عندك نشاط وطاقة واخبار حلوة وتأييد لخطواتك وحلول لبعض القضايا والعراقيل ..الفلكي علي بتعيد حسابات المالية وبتشوف شو الك وشو عليك وفي مال عندك ونقاشات عم دور بقصص مالية وضب ايدك لان ممكن تحتاج مبلغ مالي كمان وعلاقات اجتماعية وزيارات كتير ولمة حلوة ومصاريف عائلية

عاطفياً:في خبر او اتصال بريحك وممكن يحسن الوضع بعد توتر كنت عم تعيشو استغل طاقتك وجاذبيتك لترتاح نفسياً وتحل مشاكلك وتغيرات على صعيدك العاطفي وفي مصالحات وعودة لشريك اذا في زعل تواصل بعود وشريك قديم ممكن واتصال ومفاجئة قريبة والماضي ع البال ..

صحياً:في حموضة بالفم او المعدة ويمكن تاخد دوا مسكن او تزور طبيب ..

#العقرب ♏
مهنياً:مرق نهارك على خير وعندك تغيرات مهمة من المسا وثلاثاء والاربعاء .. يوم طويل ومالل ومنرفز ومعصب ومزاجي وقصص عم ترجع من جديد عم تخلي يومك في شوية كركبة او شي طارئ او تأخير وتأجيل لقصة .. الفلكي علي تطورات مقبل عليها من المسا المهم لا تصعد اي خلاف بالبيت ومع الشريك اليوم حاول تطلع وتغير جو ولا تستسلم للوضع وتكون مع اشخاص بتحبا .

عاطفياً:انت محتار ومانك عارف شو بدك وحاسس بالاهمال فترة قصيرة بتصلح الامور وحب جديد وارتباط وحاول تحسم امورك بسرعة بموضوع عاطفي او بعلاقتك مع حب قديم .. انتبه لكلامك ومعاملتك وكون واقعي بتعاطيك مع الامور اذا بدك العلاقة تستمر لازم تعطي فرصة جديدة وبلاخص المرتبط انتبه من حدا ممكن يدور ع اتفه الاسباب ليعمل مشكلة من دون ولا شي .. بس من المسا والفترة القادمة بتكون افضل وبلاخص باشخاص جديدة وحب قديم عم يرجع ع الواجعة ..


صحياً:اضرابات بجمسك وفي قلق صحي ويمكن البعض يزور طبيب او مشفى ..


#القوس ♐
مهنياً:يوم في شغل في مجهود كبير والتزامات وتطورات جديدة ورفقات وعزائم واجواء اجتماعية حلوة وبتلاقي في مين يساعدك وبيدعمك ويمكن في ورقة مهمة اذا ناطر هاشي او مبلغ مالي .. الفلكي علي لا تتفرد بقراراتك او تتجاوز المسؤولين عنك بشغلك او ببيتك وأنتبه لعلاقاتك حتى ما تخسر شخص غالي عليك بلاخص انو كان في تعقيدات بوضعك واضطرابات ماكنت مرتاح الها ..

عاطفياً:العين عليك وفي اعجاب بس لا تستعجل ولا تندفع زيادة عن لزوم وهدي بمشاعرك .. التركيز مطلوب حاول تعطي الاهتمام لعلاقتك وحاول لا تخلي حدا يدخل بينك وبين الشريك ويأثر على الوضع ولا تخلي لافكار وشكوك تسيطر عليك احسم قراراتك بهاليوم وحافظ على مستوى نقاش ولا تكبر الامور قدر المستطاع حتى ماتخسر شريك او علاقة لسى مابلشت منيح .. البعض عم يكون عندو اسرار واتصالات حميمية وحلول لبعض التعقيدات ..

صحياً:أنتبه من مشاكل بالمعدة ولازم تعمل حمية لترتاح اكتر وفي شراء لادوية مسكنات او التهابات ..

#الجدي ♑
مهنياً:مضغوط بأكتر من قصة وماعم تلحق بالبيت وبشغل وانتظر ورقة مهمة .. عندك قصة مهنية عم تشغلك ويمكن بتخص وظيفتك او عملك والتزامات عائلية ولازم ضب ايدك على مصاريفك لان في دفع وقد الامكان تنتبه من محيطك وفي حكي بضهرك او حدا ممكن يوجهلك كلام مو مريح حافظ على اسرارك وعلى اي خطوة ممكن تقوم فيا اليوم وبلاخص الامور القانونية وقصة بالبيت .. المسا الامور بتتغير وعلاقات جديدة وعم تتطور وسهرة حلوة وحلول ناطرتك ..

عاطفياً:لا تكون عنيد وتجنب نقاشات والمواجهات بهاليوم بتحلها من جهة بتسكر من جهة تانية وشريك ماعم يفهم عليك حاول توضح وجهة نظرك بشكل منيح وبهدوء وبدون تسرع .. تدريجي بترتاح وفي اهتمام والوضع بروح للاستقرار بلاخص هاليوم لعلاقات مميزة واجواء فيها شغف ومشاعر حميمية وانتظر اخبار حلوة او امر مفاجئ .

صحياً:ضروري تريح حالك وتنتبهلي هالفترة من مشاكل اسفل الظهر والعيون وارتخاء بالجسم …

#الدلو ♒
مهنياً:عم تقضي اوقات حلوة مع ناس بتحبا وبترتاح هاليوم رغم صعوبات يوم في مين بقدر جهودك حاول تساير لتوصل وتنجح ولا تتسرع تغيرات بوضعك قريبة وتواصل بيرجع اتصال مهم وتنقل بيومك وفرصة سفر او مشوار حلو او عزيمة .. الفلكي علي ركز بيومك واتصال او لقاء مهم وامور عائلية بيومك ولمة .. علاقات اجتماعية وأنتبه من القيل والقال ومن ناس مقربة منك وشخص مهم بيومك ..

عاطفياً:يوم في تسوية عاطفية وتحسن ايجابي حافظ على امورك العاطفية لتحقق المكاسب حتى لو كان في شوي تنازلات بحل الخلافات والمشاكل المهم يكون تفاهم موجود وبالهدوء الامور بتكون افضل لان بتوقع في اتصال او لقاء طويل وحكي كتير .. استغل جاذبيتك واحسم خياراتك واختار صح ولا ضيع وقتك بامور مو مهمة او مارح توصلك لنتيجة ..

صحياً:لا تخلي الوهم يأثر عليك ومشاكلك نفسية قبل ماتكون مرضان عنجد وهاشي ممكن يكون سبب لتفاقم الوضع اكتر والبعض حاول تنتبه من نوعية طعام بتسببلك وجع بالمعدة ..

#الحوت ♓
مهنياً:عم تبذل جهد بهاليوم وانت بحاجة لراحة ومصاريف طارئة وقصة عاطفية مهمة .. عم تشغلك بيومك قصص مالية ودفع او موارد من شراكة ونقاش بقصة مالية واتعاب وتعويضات حتى بتسدد بعد الاقساط وبتدفع مال وفي تسوق وبتعيد حساباتك بشكل اكبر وفي يمكن حوالة مالية ..الفلكي علي امورك بتبلش تتحسن اخبار حلوة وثقة بترجعلك ومصالحات وفي اتصالات كتيرة ومهمة وبتجهز حالك لتغيرات ايجابية وسهرة حلوة وفي اتصال من مكان بعيد.

عاطفياً:بعرف عندك ضغوط هالفترة وبدك تلحق بس هاشي مابيعني انو سلبي او تكون مالل ولا تتسرع وكلشي بوقتو حلو .. تطورات بالعلاقة تقارب ومصالحات حاول لا تصعب الامور ولا تكون بارد او تظهر عدم اهتمامك امورك افضل جذاب والعين عليك بتحسن علاقتك بشريك وحب جديد ناطرك واتصال طويل ورومنسي وتواصل عبر الانترنت او اتصال من شخص قريباً .. المتزوج لازم تنتبه على وضعك يمكن في مشكلة وشريك متعبك بتصرفاتو مابدي الامور تطور لزعل او حدا يترك البيت ..

صحياً:يجب الابتعاد عن الاشخاص الي مكربة لانك معرض لعدوى كريب والاجراءات صحية ضرورية هالفترة عندك .